Trajneri i Barcelonës , Xavi beson se skuadra e tij ishte me fat që fitoi 3-1 në ndeshjen kundër Villarrealit të shtunën mbrëma në kuadër të La Ligas.
Tre pikë në ‘El Madrigal’ do të thotë se gjigantët katalunas tani kanë siguruar gjashtë pikë nga dy ndeshjet e ligës nën drejtimin e ish-reprezentuesit spanjoll.
Megjithatë, ata u detyruan t’i mbijetonin një frike të vonshme pasi Samuel Chukwueze anuloi golin e parë të shënuar nga Frenkie de Jong.
Golat e vonshëm nga Memphis Depay dhe zëvendësuesi Philippe Coutinho përfundimisht vulosën fitoren në minutat e fundit dhe Xavi pretendoi se fitorja ishte një hap jetik për ekipin e tij të ri.
“Ne nuk e dominuam lojën siç prisnim, por luajtëm kundër një ekipi të madh”, ka thënë fillimisht Xavi për Marca pas ndeshjes.
“Kemi qenë me fat me golin e Memphis, por këto janë tre pikë të arta për ne”, përfundoi trajneri i Barcelonës.
Barcelona është e pamposhtur në të gjitha garat nën drejtimin e Xavit, por ata përballen me një seri të vështirë ndeshjesh në La Liga dhe në Ligën e Kampionëve para fundit të vitit 2022.
Në Evropë, ata mund të kenë nevojë për një fitore në udhëtim ndaj Bayern Munich në ndeshjen e fundit të grupit nëse rivalët Benfica mundin Dynamo Kiev. /Gazeta Enigma/.
