Mirlind Daku kaloi dy futbollistë dhe portierin për të asistuar në fund për bashkëlojtarin e tij, Valentin Vada.
Megjithatë, asistimi i Dakut për mesfushorin argjentinas, nuk i ka mjaftuar Rubin Kazanit që të marrë pikët e plota.
Rubin Kazani barazoi në shtëpi me Lokomotivën e Moskës me rezultatin 1:1, në ndeshjen e 25-të të elitës së futbollit të Rusisë.
Daku asistoi në minutën e 21-të, ndërsa skuadra e tij pranoi gol në minutën e 43-të.
Nga minuta e 78-të, vendësit luajtën me një lojtar më pak në fushë pas përjashtimit të Rustamjon Ashurmatov me të kuq.
Daku e kompletoi ndeshjen. Dardan Shabanhaxhaj luajti deri në minutën e 67-të.
Sulmuesi i Shqipërisë u shpall lojtari i ndeshjes.
Mario Mitaj i Lokomotivës së Moskës ishte i suspenduar shkaku i kartonëve.
Daku në edicionin aktual të kampionatit rus ka pesë gola të shënuar e tri asistime.
Rubin Kazani në 24 ndeshje të luajtura ka 33 pikë në vendin e nëntë, kurse Lokomotiva e Moskës ka 38 pikë në pjesën e sipërme të tabelës.
