Gjykata në Australi ka vendosur që ta dëbojë Novak Djokovicin nga vendi. Vendimi u mor para pak çastesh dhe kështu kërkesa për aprovimin e vizës iu anulua tenistit serb.
20-herë kampioni i Grand Slam-it pati seancën në Gjykatën Federale sot në një përpjekje të fundit për të qëndruar dhe garuar për titullin.
Shefi i drejtësisë James Allsop, gjyqtari Anthony Besanko dhe gjyqtari David O’Callaghan vendosën njëzëri se Djokovic nuk kishte arsye për të kundërshtuar urdhrin e dëbimit të Ministrit të Emigracionit Alex Hawke.
Tani, Djokovic nuk ka vizë dhe kështu do të dëbohet nga Australia. Nëntë herë kampioni i Australian Open do të largohet nga vendi shumë shpejt.
Ndërsa, ka ardhur edhe reagimi i parë i tij pas këtij vendimi.
“Do të doja të bëja një deklaratë të shkurtër për të adresuar rezultatet e seancës së sotme të Gjykatës. Tani do të marr pak kohë për të pushuar dhe për t’u rikuperuar, përpara se të bëj ndonjë koment të mëtejshëm përtej kësaj. Jam jashtëzakonisht i zhgënjyer me vendimin për të hedhur poshtë kërkesën time për shqyrtim gjyqësor të vendimit për anulimin e vizës sime, që do të thotë se nuk mund të qëndroj në Australi dhe të marr pjesë në Australian Open. Unë respektoj vendimin e Gjykatës dhe do të bashkëpunoj me autoritetet përkatëse në lidhje me largimin tim nga Australia. Ndihem i jo mirë që fokusi i javëve të kaluara ka qenë tek unë dhe shpresoj që të gjithë tani mund të fokusohemi në lojën dhe turneun që dua. Do të doja t’u uroj lojtarëve, zyrtarëve të turneut, stafit, vullnetarëve dhe tifozëve të gjithë më të mirën për turneun”, u shpreh Djokovic
Statement from Novak Djokovic:
"I'd like to make a brief statement to address the outcomes of today’s Court hearing. I will now be taking some time to rest and to recuperate, before making any further comments beyond this. I am extremely disappointed with the ruling" @theage— Paul Sakkal (@paulsakkal) January 16, 2022
Djokovic nuk mund të ankohet më për këtë vendim. Kështu, ai do të mungojë në GrandSlamin “Australian Open” që nis të hënën.
Qeveria nuk tregoi nëse do të përdornin opsionin për të parandaluar Djokovic që të aplikonte për vizë për të hyrë në Australi për tre vitet e ardhshme.
