Milani mund Interin në derbin e Milanos me rezultatin 1-2. Një fitore spektakolare e djemve të Piolit me përmbysje, të cilat hapin garën për titullin kampion në Serinë A.
Në pjesën e parë Interi ishte më kërkues dhe arriti të gjejë golin me Dumfris, por u anulua për pozicion jashtë loje. Zikaltërit vazhdonin të shtynin përpara dhe patën raste të pastra ,por portieri Menja ishte në super formë. Ndeshja u zhbllokua me kroatin Perisiç, i cili mori një kros nga Calhanoglu dhe goditi topin fluturimthi.
Në pjesën e dytë Milani bëri përmbysjen e madhe me Oviler Giroud. Francezi shënoi dy gola brenda pak minutash duke ngritur në këmbë “San Siron”.
Me këtë fitore Milani shkon në kuotën e 52 pikëve, një më pak se Interi por zikaltërit kanë një ndeshje për të luajtur.
