Kryetari i Kuvendit të Kosovës, Glauk Konjufca, ka përkujtuar të rënët nga masakra e Poklekut dhe Çikatovës së Vjetër së Drenasit, në 23 vjetorin e saj.
Konjufca ka thënë se kjo është njëra nga masakra më barbare dhe më mizore mbi popullin e Kosovës.
“Shumica e të rënëve janë fëmijë dhe gra kjo është njëra prej dëshmive më të qarta të gjenocidit që Serbia e ka bërë mbi popullin tonë”.
“Kjo masakër është një plagë e hapur, ende kullon. Sepse mos të harrojmë për këtë masakër nuk ka pasë drejtësi, asnjë gjykim serioz nuk ka ndodhur deri tani për këto gra dhe fëmijë që u masakruan nga forcat paramilitare”, ka thënë Konjufca. / Gazeta Enigma.
