Tre nxënës në një shkollë në Gjakovë, dy prej tyre të mitur iu janë gjetur tri thika pas kontrollimit nga sigurimi i shkollës, shkruan Gazeta Enigma.
Thikat janë konfiskuar nga policia e Kosovës dhe të tre janë dërguar në mbajtje.
Ngjarja ka ndodhur paraditen e së premtes në rrugën “Beqir Kastrati” në Gjakovë.
“Janë arrestuar tre të dyshuar meshkuj kosovarë (dy të mitur) nxënës të shkollës, pasi që gjatë kontrollit të tyre nga sigurimi i shkollës, u janë gjetur dhe konfiskuar tri thika. Me vendim të prokurorit, të dyshuarit janë dërguar në mbajtje”, thuhet në raportin e Policisë së Kosovës.
