Kur filloi mania e kriptomonedhës disa vite më parë, me ndihmën e së cilës shumë u pasuruan, emri i James Howells nga Njuporti, një nga figurat tragjike të kriptomarisë, u përmend shpesh në media. Në vitin 2013, ai zotëronte rreth 8 mijë bitcoin të ruajtura në një portofol në një hard disk, të cilat i hodhi aksidentalisht duke e pastruar banesën e tij.
Edhe pse ai nuk mendoi shumë për këtë në atë kohë, ndërsa çmimi i bitcoin-it u rrit, ai filloi të kërkonte mënyra për ta gjetur diskun e humbur, i cili ishte nën një grumbull mbeturinash në një kantier mbeturinash pranë Newport. Vlera e bitcoin-it të tij, në varësi të çmimit të asaj kriptomonedhe, arrinte në disa qindra miliona funta, kështu që nuk është për t’u habitur që Howell ka qenë i dëshpëruar prej vitesh për ta gjetë diskun përmes të cilit, me kusht që të jetë i padëmtuar, ai mund të bëhet një njeri tejet i pasur.
Përpjekjet e tij të mëparshme janë refuzuar, dhe tani ai ka kërkuar përsëri një leje nga këshilli i Newport-it për të gërmuar nëpër mbeturina dhe i ka paraqitur atyre një plan të ri që përfshin qen robotë dhe inteligjencë artificiale dhe kushton deri në 11 milionë dollarë.
Sipas këtij plani, procesi mund të zgjasë rreth 3 vjet, gjatë të cilit do të gërmohet toka atypari dhe do të klasifikohen mbetjet për ta gjetur hard diskun. Njerëzit dhe robotët (Spot nga Boston Dynamics) të trajnuar për të njohur atë disk do të punojnë për ta gjetur atë. Edhe nëse e gjejnë diskun, i cili është si të kërkoni një gjilpërë në një kashtë, pyetja është nëse do të funksionojë akoma. Hoëell u kujdes edhe për këtë, duke gjetur një ekip ekspertësh të specializuar në nxjerrjen e të dhënave.
Nëse atij i jipet leja për kërkimin e tij (që do të jetë e vështirë sepse anëtarët e këshillit paralajmërojnë për rreziqet e rëndësishme mjedisore të gërmimit në mbeturina), ajo do të duhet të financohet, për të cilën Hoëell ka gjetur dy investitorë të gatshëm të investojnë 11 milionë dollarë, dhe nëse bitcoins në fund gjenden të padëmtuar, ata do të marrin më shumë se 50 milionë dollarë. Sa i përket Howell-it, nëse ky operacion i jashtëzakonshëm përfundon me sukses, ai synon t’i mbajë 30 për qind të bitcoins-ave, 30 për qind t’u japë punëtorëve që e ndihmuan ta kërkonte diskun dhe interesant është se ai synon t’i japë çdo banori të Newport-it bitcoinë në vlerë të 60 dollarëve./ NY Post
