Një aksident trafiku ka ndodhur në hyrje të Prizrenit, ku kanë pësuar lëndime tre persona.
Lajmin e ka konfirmuar zëdhënësi i policisë për rajonin e Prizrenit, Shaqir Bytyqi, i cili tha se nuk dihet ende gjendja e të lënduarve.
“Ka ndodhur një aksident trafiku në hyrje të Prizrenit, ku janë lënduar tre persona. Ende nuk dihet nëse ata kanë marrë lëndime të lehta apo të rënda”, tha Bytyqi.
Policia e Kosovës si dhe ekipet emergjente kanë dal në vendin e ngjarjes ku dhe po merren me rastin në fjalë.
Fotografitë janë dërguar nga një qytetar i rastit në redaksi të Televizionit të Prizrenit.
