Yll i Argjentinës, Lionel Messi, ishte i pakënaqur me mënyrën se si gjyqtari spanjoll Mateu Lahoz ka drejtuar ndeshjen me Holandën.
Lahoz ka ndarë 16 kartonë të verdhë dhe një të kuq, sipas të dhënave zyrtare.
“Kjo ndeshje nuk është dashur të përfundojë në mënyrën si përfundoi. Nuk dua të flas për gjyqtarin pasi sanksionohem”.
“Por njerëzit e kanë parë çka ndodhi. Ishim të frikësuar para ndeshjes pasi e kemi ditur se çfarë është dhe unë mendoj që FIFA duhet ta rishikojë këtë”.
“Nuk mund ta vendosni një gjyqtar si ai për këto ndeshje”, ka thënë Messi.
Ka pasur shumë tensione gjatë gjithë ndeshjes në fushë, ndërsa në disa incidente ishin të përfshirë lojtarët e të dy skuadrave.
