Kupa e Botës do të vijojë edhe sot me ndeshje interesante në kuadër të fazës çerekfinale të Kupës së Botës.
Gjatë ditës së sotme janë paraparë dy ndeshje.
Më fillim nga ora 16:00 Portugalia do t’i masë forcat me Marokun, në një ndeshje aspak të lehtë për luzitanët.
Katër orë më vonë do të jetë “derbi” i mbrëmjes, me Anglinë që do ta ketë përballë Francën.
Favoritët në këto ndeshje janë vështirë të parashikueshëm. Portugalia duket se e ka një punë më të lehtë, të paktën në letër, por, në bazë të asaj që ka treguar Maroku në këtë garë, nuk pritet të jetë përballje lehtë e zgjidhshme.
