Deputetja e Bundestagut gjerman, Zaklin Nastiq ka akuzuar kryeministrin e Kosovës, Albin Kurti, që sipas saj është nxitësi kryesor i tensioneve në veri.
Ajo ka thënë se duhet garantim i përhershëm i bashkëjetesës paqësore, në bazë të Rezolutës 1244.
“Jam thellësisht e shqetësuar pasi tensionet po rriten në Kosovën Veriore. Kursi i përshkallëzimit, i cili nxitet kryesisht nga Kurti, duhet të marrë fund. Të gjitha përpjekjet tani duhet të synojnë ruajtjen dhe garantimin e përhershëm të bashkëjetesës paqësore sipas Rezolutës 1244 të OKB-së”, shkroi ajo.
“Populli i Ballkanit ka përjetuar mjaft vuajtje dhe mjerim. Prandaj, një konflikt i ri i armatosur duhet të parandalohet me të gjitha mjetet diplomatike”, shtoi jo.
Żaklin Nastiq është një politikane gjermane që përfaqëson të majtët.
Ajo ka shërbyer si deputete e Bundestagut nga Hamburgu që nga viti 2017.
Es besorgt mich zutiefst, wie Spannungen im #Nordkosovo zunehmen. Der Eskalationskurs, der vor allem von #Kurti befeuert wird, muss enden. Alle Bestrebungen müssen nun abzielen, nach UNO-Resolution 1244 eine friedliche Co-Existenz einzuhalten & dauerhaft zu garantieren. 1/2— Żaklin Nastic, MdB (@ZaklinNastic) December 10, 2022
