Prishtinë, Fushë Kosovë e Drenas do të ketë reduktime të ujit, ka njoftuar Kompania Rajonale e Ujësjellësit “Prishtina”.
KRU “Prishtina” ka bërë të ditur se Impianti i trajtimit të ujit në Shkabaj nuk ka mundësi teknike për të trajtuar ujin për pije, ndërsa si pasojë, reduktime të ujit të pijshëm do të vazhdojë të ketë Fushë-Kosova sot nga ora 10:00 deri në orën 17:00 e më pas nga ora 23:00 deri në 04:30.
Po ashtu mungesë uji do të kenë edhe konsumatorët në Kodër të Trimave dhe Mirditë, nga ora 00:00 deri në ora 05:00.
Ndërsa është paralajmëruar se reduktime do të ketë sonte edhe nëpër zona tjera të Prishtinës, me përjashtim të objekteve me rëndësi të veçantë si QKUK-ja, Policia e Kosovës e objektet qeveritare.
“Ju njoftojmë se si shkak i reshjeve të dendura atmosferike ditët e fundit, kemi ngritje të turbullirës së ujit në kanalin e Ibër Lepencit. Turbullira është prezente edhe në Liqenin e Ujmanit, si dhe në Liqenin e vogël, para kanalit të Iber Lepencit. Impianti i Trajtimit të ujit në Shkabaj nuk ka mundësi teknike të trajtoj ujin për pije. Si pasojë e kësaj, Fushë Kosova do të ketë reduktime të ujit të pijshëm sot nga ora 10:00 dhe do zgjasë deri në orën 17:00. Pastaj nga 23:00 deri në 04:30. Si shkak i mungesës së ujit nga ITU Shkabaj është evidente ndikimi i mungesës së ujit të pijes edhe për konsumatorët e Kodrës së Trimave dhe Mirditës. Kodra dhe Mirdita me ndërprerje 00:00 deri 05:00. Gjatë natës së sotme me reduktim do të jetë edhe Prishtina, përveç objekteve të rëndësisë së veçantë si QKUK, Policia e Kosovës dhe objektet Qeveritare”, thuhet nga KRU “Prishtina”.
