Kryetari i AAK-së, Ramush Haradinaj deklaroi se mbështet protestën e organizuar nga studentë shqiptarë të Evropës, e cila do të mbahet nesër në Bruksel, kundër sulmeve terroriste në veri të vendit.
Ai tha se angazhimi i tillë i të rinjve shqiptarë në diasporë dëshmon lidhjen me atdheun e tyre.
“Në mbështetje të protestës së organizatave të studentëve shqiptarë në Evropë, e planifikuar të mbahet nesër në Bruksel, kundër sulmeve terroriste në veri të vendit.
Angazhimi i të rinjve shqiptarë por edhe i tërë diasporës sonë në promovimin e një të ardhme paqësore dhe prosperuese për të gjithë, dëshmon lidhjen që kanë ata me atdheun”, shkroi ai.
