Kryetari i AAK-së, Ramush Haradinaj me rastin e mbajtjes së zgjedhjeve parlamentare në Serbi që mbahen nesër, bëri thirrje që shqiptarët që jetojnë në këtë shtet të dalin masovikisht në zgjedhje.
“I bëj thirrje bashkëkombasve shqiptarë në komunat Preshevë, Medvegjë e Bujanoc dhe në vendbanimet e tjera në Serbi, që të dalin masovikisht në mënyrë që të ketë përfaqësim dhe mbrojtje të të drejtave qytetare dhe kombëtare”, shkroi ai në Facebook.
“Duke e ditur diskriminimin që po u bëhet shqiptarëve në të gjitha format nga regjimi serb, do të jetë shumë i nevojshëm një përfaqësim sa më i madh në Parlament, në mënyrë që të mbrohen interesat shqiptare dhe të njoftohet opinioni për padrejtësitë dhe shkeljet e të drejtave të shqiptarëve atje”, shtoi Haradinaj.
