Ministri i Financave, Hekuran Murati, ka thënë se një muaj pas lansimit të masës së punësimit në katër komunat në veri të vendit, tashmë janë bërë edhe punësimet e para.
Ai, me anë të një postimi në rrjetin social Facebook, ka treguar se sa persona janë punësuar deri tani.
“Në muajin e parë janë punësuar 66 punëkërkues si rezultat ndërmjetësimit nga Agjencia e Punës nëpërmjet kësaj mase”.
“Punësimi është bërë nëpër biznese që tashmë janë regjistruar në zyrat lokale të ARBK, dhe operojnë sipas ligjeve në fuqi”, ka shkruar Murati.
