Pas organizimit të suksesshëm të finales së parë të UEFA Conference League në Tiranë në vitin 2022, dhe fitimit të së drejtës për të organizuar finalet e Kampionatit Europian 2025 për grupmoshën U-17, FSHF kërkon të organizojë një tjetër event madhor të futbollit europian.
Shqipëria është një nga kandidatet kryesore për të organizuar ndeshjet finale të Kampionatit Europian 2027 për ekipet kombëtare U-21. FSHF i ka dërguar kërkesën UEFA-s, që Shqipëria të jetë një nga vendet pritëse të finaleve të këtij kompeticioni.
Duke qenë se nuk plotësohen kushtet sa i përket numrit të stadiumeve që kërkohen në mënyrë që vendi ynë të presë të gjitha ndeshjet finale të Kampionatit Europian U-21, FSHF do të bashkëpunojë me Federatën Serbe të Futbollit për të pritur së bashku fazën finale të EURO 2027 për grupmoshën U-21.
Ky është pa asnjë dyshim një projekt shumë ambicioz, që do ta vendoste Shqipërinë në qendër të vëmendjes futbollistike të gjithë kontinentit.
⚽ 📣 FSHF bën se me dije se ka aplikuar për të organizuar finalet e “Euro 2027” për grupmoshën “U-21”.
👉🏻 FSHF do të bashkëpunojë me Federatën Serbe për shkak se vendi ynë nuk i plotëson kushtet për t’i pritur të gjitha ndeshjet e “Euro 2027”.
ℹ️ Më tepër, në 𝐟𝐬𝐡𝐟.𝐨𝐫𝐠 pic.twitter.com/JnGIlB80B7— FSHF (@FSHForg) May 9, 2024
