Bedri Krasniqi është rrëfyer nga vendi ku po e vuan dënimin me burg, dhe ka folur si asnjëherë më parë rreth Faton Hajrizit, i arratisuri nga burgu i Smrekonicës, i cili u vra në Serbi.
Krasniqi ka thënë se e ka njohur shumë mirë Hajrizin, dhe se i është dhimbsur nga torturat ndaj tij në burg, qysh në kohën kur ishte i mitur.
Ai ndër tjera, përmendi rastin ku Hajrizi me disa persona tjerë, dyshohej se kanë shtënë mbi policinë gjatë një grabitjeje, por ai tha se Hajrizi nuk e ka bërë një gjë të tillë.
Tutje, ai tha se ishte i padrejtë vendimi ndaj Hajrizit, duke e dënuar me 25 vjet burg, kur nuk ka kryer asnjë vrasje.
