Partia Demokratike e Kosovës do e zgjedh më 3 korrik kryetarin e ri të partisë. Për këtë pozitë është vetëm një kandidat, Memli Krasniqi. Sipas Uran Ismailit, njerëzit në PDK nuk kanë garuar për pozitën e kryetarit, pasi mendojnë se Krasniqi është kandidati adekuat.
“Dy kandidatura nuk e bëjnë procesin demokratik. Procesin demokratik e bën procesi nëse është transparent nëse nuk ka favorizime nëse lihet që vullneti i delegatëve të Konventës atë që besojnë se mund ta zgjedhin’, tha Ismaili.
“Kemi krijuar kushte të barabarta, pra gjithkush ka pasur mundësi që të paraqes kandidaturën. Nuk kemi pasur përjashtime’, shtoi ai.
“Kandidatura e Memlit është në kandidaturën e asaj çka është në disponim në PDK por ndoshta edhe në shoqëri. Që të kemi një kapërcim gjeneratash, një dëshirë që t’i jepet një impuls por jo një impuls jo partiak”, tha Ismaili në RTV21.
“Është një njeri që është rrit me PDK’në por në anën tjetër është një djalë i ri që mund të sjell PDK’në me një ofertë të re”, përfundoi Ismaili.
