Kryeprokurori i Prokurorisë Themelore të Prishtinës, Zejnullah Gashi, në një konferencë për mediat ka folur për të rejat rreth hetimit të vrasjes së Liridona Ademaj.
Ai ka treguar se është ngritur aktakuzë ndaj tre të dyshuarve, Naim Murseli, Kushtrim Kokalla dhe Granit Plavës.
“Siç e dini, ky rast ka qenë shumë i ndjeshëm ,për ata edhe ka qenë një kufizim i tillë. Siç e dini ky rast fillimisht ka qenë i inskenuar si grabitje, mirëpo falë angazhimit maksimal të hetuesve, prokurores, bashkëpunim të të gjithëve brenda një afati, shumë ishte e ndjeshme edhe sa i përket kompleksitetit të saj dhe janë zhvilluar hetime në shumë dimensione për arsye se kemi siguruar edhe ekspertiza edhe nga jashtë, edhe nga brenda vendit tonë”, tha Gashi.
“Kësaj konference, pranë meje si kryeprokuror i Prokurorisë Themelore në Prishtinë është edhe prokurorja e kësaj çështjeje penale, Javorka Perlinçoviq, dhe dy hetuesit të hetuesisë rajonale të Prishtinës, zotëri Nazim Haliti dhe zotëri Ibrahim Sahiti, të cilët në koordinim me prokurorin e rastit kanë kryer hetime hetimore dhe kanë grumbulluar prova të cilat prova më gjerësisht do t’jua sqarojë prokurorja Javorka dhe pastaj fjalën e kanë edhe hetuesit të cilët pas sqarimit të tyre në disa detaje mund të parashtrohen edhe pyetje”.
“Patjetër se pyetjet tuaja në përgjigjet ne që kemi dhënë kanë me qenë të kufizuara pasi që në këtë fazë të ngritjes së aktakuzës, mirëpo patjetër se meqenëse seanca apo shqyrtimi gjyqësor ka me qenë i hapur për publikun, patjetër se të gjithë ju keni me marrë pjesë dhe të gjitha provat që ne kemi arritë t’i grumbullojmë, gjatë administrimit të tyre, patjetër që ju si publik, si gazetarë, si qytetarë të Republikës së Kosovës do të keni qasje në seancën gjyqësore”., u shpreh ai. /Gazeta Enigma
