Një i burgosur ka humbur jetën mbrëmjen e sotme në Burgun e Sigurisë së Lartë në Kosovë.
Shërbimi Korrektues i Kosovës ka njoftuar se rreth orës 22:00, i burgosuri me inicialet E.G. u gjet i varur në dhomën e tij, me puls të dobësuar.
Pavarësisht përpjekjeve për ndihmë mjekësore, ai nuk ka arritur të mbijetojë. E.G. ishte i dënuar për dy vepra penale të dhunimit dhe do të lirohej më 1 mars 2048.
Policia dhe prokurori kompetent janë njoftuar dhe janë nisur hetimet për sqarimin e rrethanave të rastit.
