Në kuadër të aktiviteteve shtetërore për shënimin e 18-vjetorit të Pavarësisë së Kosovës, Komandanti i Forcës së Sigurisë së Kosovës, Gjenerallejtënant Bashkim Jashari, së bashku me udhëheqësit më të lartë shtetërorë, u mbajtë ceremonia solemne e ngritjes së flamurit pranë Qeverisë së Republikës së Kosovës.
“Kjo ceremoni shënoi fillimin e aktiviteteve festive me rastin e 18-vjetorit të shpalljes së Pavarësisë — një ditë krenarie, sakrifice dhe përkushtimi për liri dhe shtetndërtim. Me këtë rast, Komandanti i FSK-së Gjeneral Jashari, uroi të gjithë ushtarakët e FSK-së dhe të gjithë qytetarët e Republikës së Kosovës me rastin e 18-vjetorit të Pavarësisë, duke theksuar rëndësinë e unitetit, profesionalizmit dhe përkushtimit në shërbim të atdheut”, thuhet në njoftimin e FSK-së.
