Edhe kjo e diele do të sjellë ndeshje të bukura futbolli, ku do të zhvillohen tri ndeshje e fundit interesante të javës së pestë në Superligë.
Ndeshja kryesore e ditës së diele (sot) pritet të zhvillohet në “Bajram Aliu”, ku ballafaqohen dy skuadra me rezultate pozitive në këto xhirot e para në mes Drenicës dhe Dritës.
Kuqezinjët kërkojnë të rrëmbejnë sërish pozitën e pare, derisa kaltërbardhët pas ngecjes në derbi kërkojnë pikët maksimale që të jenë në krye. Kjo ndeshje zhvillohet nga ora 15:00 në stadiumin “Bajram Aliu” në Skënderaj.
Kurse për t’u çliruar nga ngecja mbrapa kërkon edhe Gjilani e cila është nikoqire e Ulpianës, skuadër kjo që ende nuk ka fituar një ndeshje dhe dëshiron që të befasoj kuqebardhët.
Ndërsa në Klinë, Dukagjini e mirëpret Prishtinën. Dy skuadra me cilësi të larta mbrenda në skuadër po që ende pikët maksimale nuk i kanë arritur dhe që të dyja opsion kanë vetëm fitoren.
Këto dy ndeshje zhvillohen nga ora 16:00.
