Tyson Fury është duke u përgatitur për t’u ndeshur sërish me Deontay Wilder në Las Vegas, por një ditë do të dëshironte të zhvillonte një meç në Old Trafford.
Heroi aktual në Teatrin e Ëndrrave është superylli i Manchester Unitedit, Cristiano Ronaldo, ndërsa kampioni i botës në boks ka bërë shaka duke thënë se qyteti nuk mund t’i përballojë dy superyje.
“Më kanë mbetur edhe dy ndeshje (në SHBA), por do të doja që ta ktheja një titull bote në Mançester”.
“Ka qenë ëndërr e përhershme e imja që të ndeshesha në Old Trafford. Meçi i fundit aty ishte ndërmjet Eubank dhe Benn në vitin 1993 dhe ishte madhështorë”.
“Jam shumë i gëzuar që Ronaldo është kthyer në Old Trafford, por ky qytet nuk është mjaftueshëm i madh për ne të dy!”.
“Po të jetoja unë në Mançester, do të ishte problem. Por, unë jam një orë larg në autostradë në Morecambe, ashtu që ai ka hapësirë të mjaftueshme”, ka thënë Fury për The Sun.
