Një aksident trafiku ka ndodhur sot në hyrje të Lipjanit, raporton Gazeta Enigma.
Zëdhënësi i Policisë së Kosovës, Agron Borovci e ka konfirmuar lajmin për Gazetën Enigma duke treguar se në këtë aksident janë përfshirë një veturë dhe një kamion.
Si pasoj e këtij aksidenti janë lënduar dy persona.
“Nga informatat e para bëhet e ditur se një veturë dhe një kamion janë përfshirë në aksident ndërkaq dy persona kanë pësuar lëndime trupore. Të njëjtëve u është ofruar trajtimi i nevojshëm mjekësor. Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, ka thënë Borovci për Gazetën Enigma.
