Ambasada e Shteteve të Bashkuara të Amerikës në Kosovë u ka bërë thirrje qytetarëve që të vaksinohen kundër COVID-19.
Në njoftimin e bërë nga kjo ambasadë thuhet se vaksinimi është e vetmja mënyrë për të ruajtur shëndetin.
“Me variantin vdekjeprurës Delta në rritje, vaksinimi është e vetmja zgjidhje. Kur jeni i vaksinuar nuk ka gjasa që të infektoheni me COVID-19, ose nëse ndodh do të keni simptoma më të lehta. Mos bini pre e dezinformatave, vaksinat janë të sigurta dhe efektive”, ka njoftuar ambasada e SHBA-ve në Kosovë.
Ndryshe, kujtojmë se të mërkurën në vendin tonë janë shënuar 221 raste të reja me COVID dhe një person ka humbur jetën.
