Kombëtarja Kosovës U18 e në basketboll ka regjistruar edhe humbjen e gjashtë në po aq ndeshje të luajtura deri më tani në Kampionatin Evropian të Divizionit B që po mbahet në Rumani.
Pas pesë humbjeve në Grupin B, në të cilin përfundoi e fundit, Kosova të premten u mposht edhe në ndeshjen për plasman (17-22) nga Irlanda me rezultatin 73:72.
Kosova do ta ketë edhe një ndeshje për renditjen përfundimtare në këtë turne.
Ndaj Irlandës, Kosova i humbi tre çerekët e parë, ndërsa e fitoi të fundit (19:10) por që nuk arriti ta shmang humbjen e radhës.
Te Kosova u dalluan Bardh Istrefi me 27 pikë e shtatë kërcime dhe Olsi Kurtaj me 12 pikë e nëntë kërcime.
