‘OKI’ ose Ibuprofeni është ilaçi më i përdorur në Kosovë. Ky bari përdoret për të lehtësuar dhimbje të ndryshme, shkruan Gazeta ‘Enigma’.
Ibuprofeni zvogëlon dhimbjen, ënjten dhe ngurtësinë e nyjeve nga artriti. Ky është një ilaç anti-inflamator josteroidal.
Ai funksionon duke bllokuar prodhimin e disa substancave natyrale në trup që shkaktojnë inflamacion. Ky efekt ndihmon në uljen e ënjtjes, dhimbjeve të ndryshme dhe etheve.
Anëtari i Këshillit Drejtues të Odës së Farmacistëve të Kosovës, Bekim Fusha, në një përgjigje për Gazetën ‘Enigma’ ka thënë ka thënë se përveç OKI- të çdo ilaç i ka efektet anësore.
“Sikur secili produkt edhe ‘OKI’ i ka efektet e veta anësore, përmbajtja e OKI është diçka e ngjashme, jo krejt e njëjtë me Ketoprofenin” ka thënë Fusha.
Ai ka theksuar se “Efektet anësore shfaqen vetëm nëse përdoret në sasi të pa kontrolluar dhe për një periudhë shumë të gjatë mundet me pas efekte serioze”.
Sipas Fushës përdorimi i këtij bari në sasi të limituara nuk ka efekte negative.
“Përndryshe për përdorim adhot nuk ka ndonjë telashe, pra nëse përdoret shumë rrallë”, ka deklaruar ai.
Por e njëjta nuk ndodh nëse përdoret jashtë kontrollës ky ilaç.
“Nëse përdoret 3 ose 4 herë në ditë, dhe nëse kjo vazhdohet për një periudhë më të gjatë, mundet të shkaktoj gjakderdhje, dhe për ta ngacmuar lukthin”, ka thënë ai.
Efektet anësore negative nga përdorimi i këtij ilaçi mund të shfaqen vetëm nëse përdorimi është i pakontrolluar dhe në masë më të madhe.
“Efekte anësore ka nëse ky bari përdoret 3 herë në ditë për një periudhë një mujore ose dy mujore por s’besoj që të ketë raste të tilla”, ka deklaruar ai.
Fusha ka theksuar se përdorimi I tepruar I këtij bari mund të shkaktoj gjakderdhje.
“Nëse përdoret në sasi të madhe mund të shkaktoj gjakderdhje, nuk preferohet me u përdorë para popercionit”, ka përfunduar ai.
Sipas ekspertëve shëndetësor ky ilaç mund të irritojë stomakun dhe rekomandohet ose preferohet që të merret bashkë me ushqim ose edhe qumësht.
Mjekët thonë se gjatë përdorimit të tij duhet evituar edhe përdorimin e alkoolit, pasi përdorimi kronik i tij mund të rris rrezikun e dëmtimit të mëlçisë ose hemorragjisë së stomakut.
Efektet anësore potenciale janë të frikshme. Ato përfshijnë sulmin në zemër, për njerëzit që kanë probleme me zemër, goditjen në tru, Hipertensionin arterial HTA.
Probleme të veshkave deri në insuficencë renale, hemorragji dhe ulçerë në stomak, anemi, reaksione në lëkurë.
Efektet e tjera anësore
Dobësim i shikimit, irritim të lëkurës, depresion, inflamacion të fshikëzës, ndryshime në disponim, zhurma në vesh, ulje apetiti, vështirësi për të fjetur, marramendje, djersitje e tepërt, energji e dobët, vjellje, ulçerë stomaku, anemi, lodhje të gjoksit, konfuzion, dëmtim i mëlçisë, sy të tharë, dhimbje syri, dëmtim të kujtesës, dhimbje muskujsh, gjakderdhje nga hundët, vështirësi për të marrë frymë, gojë e thatë, rrahje të shpejta të zemrës dhe humbje peshe.
Duke nuhatur OKI është trendi i ri që po bie në sy në shkolla dhe më gjerë. Ky qetësues dhimbjesh me bazë ibuprofeni është një nga “ilaçet shtëpiake” që merret lehtësisht dhe që dhemb tmerrësisht. Thithjet me OKI, nëse gërhiten mund të kenë efekte anësore dhe pasoja të rënda.
Pak javë më parë kanë qarkulluar lajmet për një shkollë në Martellago, ku disa stundent janë kapur në flagrancë duke “nuhatur” OKI-in.
Në provincën e Venecias, ku disa studentë të Institutit Matteotti ishin kapur në flagrancë duke “nuhatur” Oki-in. Por ky nuk është një episod i izoluar, sepse në shkollën e mesme aty pranë fëmijët pak më shumë se 12 vjeç kanë konfirmuar këtë “modë”.
Konfirmimet mbërrijnë edhe nga Pulia, me raportime nga prindërit, të cilët zbuluan se qeskat me Oki që ruheshin në shtëpi ishin zhdukur. “Edhe në provincën e Milanos ky trend i ri është i përhapur: vetëm një vit më parë, kur fola për të me fëmijët e shkollave ku bëj parandalim, më thanë se vetëm kishin dëgjuar për të. Tani, nga ana tjetër, konfirmojnë se e njohin shumë mirë këtë kufi të ri të “nuhatjes”, me aludime konsensusi”, vijon Comi.
Megjithatë Oki nuk është e vetmja “drogë e rrugës” që fëmijët përdorin tani për të marrë “të lartë”. Enrico Comi, 47 vjeç, baba i tre fëmijëve, sugjeron se ka edhe një tjetër “pluhur të bardhë” për t’u thithur, brenda mundësive, edhe në shtëpinë e prindërve.
Por a janë fëmijët të vetëdijshëm për rreziqet që ata kanë?
Jo aspak. Në vend të kësaj, ata janë të bindur se mund të ndalojnë në çdo kohë. Por kur i pyes nëse njohin dikë që e ka lënë duhanin, janë të habitur.
A mendoni se kjo “modë” e re është preludi i përdorimit të drogave të vërteta?
Jo në të vërtetë, në kuptimin që tani fëmijët janë të kënaqur me çdo gjë që gjejnë në qarkullim: nëse gjejnë marihuanë e tymosin, nëse ka kokainë në dispozicion, e marrin, përndryshe kënaqen me qeskat Oki. Nuk ka më një ilaç të përhapur, ata përshtaten me çdo substancë që është në dispozicion dhe mësohen me pak nga çdo gjë.
E rëndësishme është të gjesh pak “high”?
Po, dhe ky është pikërisht aspekti më shqetësues: fëmijët po mësohen (dhe në disa raste tashmë janë mësuar me të) të jetojnë duke përdorur diçka për të pasur emocione, të cilat përndryshe nuk janë në gjendje t’i ndiejnë.
Dhe kjo përkundër “të lartës” që shkakton p.sh. Oki është relative: studentët më thonë që nuk zgjat shumë, jep pak dehje, por asgjë më shumë. Megjithatë, efektet anësore mund të jenë gjithashtu shumë serioze, nga irritimet e mukozës deri te shqetësimet e stomakut, etj.
A është ende një “modë” e importuar nga jashtë, nga SHBA?
Po, rastet e para u raportuan atje dhe, nëpërmjet internetit, ishte e lehtë të bëhej e njëjta gjë edhe këtu. Comi, pas një të kaluare si droguar dhe rehabilitimi në komunitet, ka arritur të ndryshojë jetën e tij.
Për veten e tij ai thotë se “ka rifituar aftësinë për të dashur veten” dhe “vullnetin për të dashur të tjerët dhe jetën”. Ai është baba i tre fëmijëve dhe bashkautor i shfaqjes StupeFatto, i vlerësuar në vitin 2013 nga Presidenti i Republikës me medaljen për angazhim civil dhe social.
Në vitin 2008 u emërua Ambasador i Paqes nga Federata Universale e Paqes dhe në vitin 2006 mori çmimin e Fondacionit për Evropën Grug të Lirë në Bruksel.
Vlen të theksohet se para disa muajsh, Shqipëria vendosi të ndalonte shitjen e këtij ilaçi pa recetën e mjekut mbi 40 miligram.
Sidoqoftë, kjo masë që ndalon përdorimin pa lejen e mjekut nuk ekziston në Kosovë dhe shitja e tij po bëhet në masë të jashtëzakonshme./Gazeta Enigma/
