Policia gjermane ka arrestuar një kardiolog në spitalin Charite të Berlinit në lidhje me dyshimin për një vrasje të dyfishtë, shkruan DW.com, transmeton Gazeta Enigma.
Zyra e prokurorit publik të Berlinit të hënën tha se policia kishte arrestuar një ish-specialist të kardiologjisë në spitalin Charite në lidhje me vdekjen e dy pacientëve.
55-vjeçari, i cili u shkarkua nga spitali në gusht të vitit të kaluar, dyshohet se ka administruar me vetëdije doza të larta të një qetësuesi ndaj pacientëve të sëmurë rëndë.
Ajo që dihet deri më tani për rastin është se dozat e përdorura në të dy rastet, nga viti 2021 dhe 2022, thuhet se kanë qenë aq të larta sa pacientët e kujdesit intensiv kanë vdekur.
Prokurorët nisën hetimet pas një ankese nga vetë spitali.
Spitali tha në atë kohë se kishte marrë një referencë anonime për “një veprim të paligjshëm mjekësor që rezulton me vdekje”.
Përveç shkarkimit të specialistit të përfshirë, klinika tha se kishte marrë “të gjitha masat e tjera të nevojshme për të mbrojtur ato grupe njerëzish të prekur potencialisht”.
Arrestimi u bë për shkak të një dyshimi urgjent pas raportit mjekësor të vlerësuar nga një ekspert, i cili ka arritur në përfundimin se në të paktën dy nga katër vdekjet e hetuara, dozat e larta të qetësuesve nuk ishin “të justifikueshme nga ana mjekësore”.
I dyshuari është arrestuar mëngjesin e së hënës. Ai do të paraqitet para një gjyqtari hetues në Gjykatën e Qarkut Tiergarten të qytetit, me një hetim në vazhdim që do të bëhet nga Zyra e Policisë Kriminale të Shtetit të Berlinit. /Gazeta Enigma/.
