Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon nga 1.764 testime, 14 qytetarë kanë rezultuar pozitiv me virusin COVID-19, ndërkaq në total numri i rasteve aktive është 171, raporton Gazeta Enigma.
MSH njofton se gjatë 24 orëve të fundit janë shënuar 2 raste të vdekjes.
“Sot janë shëruar 6 qytetarë, derisa numri i përgjithshëm i të shëruarve është 105.280”, thuhet në njoftim.
Në 24 orët e fundit janë dhënë 4.439 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 149.121 doza të vaksinës.
Deri më sot 25.158 qytetarë janë vaksinuar me dozën e dytë.
