Sot është ekstraduar nga Kosova në Bosnje dhe Hercegovinë, një person që dyshohet për vrasje të rëndë që ka ndodhur vitin e kaluar në Sarajevë.
Kjo është bërë e ditur përmes një postimi në ‘Facebook’ nga ministrja e Drejtësisë, Albulena Haxhiut, e cila këtë rast e ka cilësuar si të suksesshëm në bashkëpunim juridik ndërkombëtar mes Kosovës dhe Bosnje-Hercegovinës, pavarësisht rrethanave politike.
“Gjithashtu, ky rast është tregues se nëpërmjet mekanizmave të fuqizuar të bashkëpunimit juridik ndërkombëtar në çështjet penale, individët e grupet kriminale nuk mund ta shohin Kosovën si vend për arratisje për t’i ikur drejtësisë”, ka shkruar Haxhiu.
