Të shtunën kanë filluar përgatitjet për ndryshimin e pamjes së monumentit të “NewBorn”.
Edhe këtë vit në prag të festës së pavarësisë së Kosovës, monumenti pritet të marrë pamje të re.
“Newborn” i cili është simbol i Pavarësisë së Kosovës do të simbolizojë fuqinë e vNewborn14 ka të bëjë me Fuqinë e Vajzave”ajzave.
Fisnik Ismaili, në një bisedë për Gazetën Enigma, ka zbuluar se në 14 vjetorin e pavarësisë së Kosovës, dizajni i ri do të jetë në mbështetje të grave kosovare.
“Qëllimi është me potencua suksesin e grave, suksesin e jashtëzakonshëm si në pjesëmarrjen e Lojërave Olimpike ashtu edhe film e në kategori të tjera”, ka thënë Ismaili.
“Njëkohësisht ka të bëjë edhe me abuzimin e gruas, me shkeljen e gruas që hala është temë shumë aktuale te ne edhe krejt kjo nëpërmes dizajnit kemi me u mundu mi jep fuqi gruas, mi jep krah dhe mi përkrahë çdo herë”, ka përfunduar ideatori i Newborn-it për Gazetën ‘Enigma’.
Ndryshe, monumenti Newborn disa herë ishte në vëmendje të mediave ndërkombëtare.
Por që promovimi më i mirë iu bë përmes këngëtares Rita Ora, e cila mbi të realizoi disa pjesë të vidoklipit të një kënge të lansuar gjatë vitit 2012.
Kujtojmë se monumenti që simbolizonte lindjen e një shteti të ri u vendos në qendër të Prishtinës më 17 Shkurt 2008, në ditën e shpalljes së Pavarësisë së Kosovës./Gazeta Enigma/
