Një trup i pajetë i një mashkulli rreth 30-vjeç është gjetur sot në fshatin Rimanishtë të Prishtinës, raporton Gazeta Enigma.
Lajmin për Gazetën Enigma e ka konfirmuar zëdhënësi i Policisë së Kosovës për rajonin e Prishtinës, Agron Borovci.
Ai ka thënë se rreth orës 16:00, kanëpranuar informatën për një trup të pa jetë, në fshatin Rimanishtë të komunës së Prishtinës.
Tutje Borovci shtoi se Policia menjëherë ka dalë në vendin e ngjarjes si dhe mjekët emergjent të cilët kanë konstatur vdekjen e viktimës, mashkull rreth 30 vjeç.
“Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit.”, tha Borovci.
