Deputetja e Lëvizjes Vetëvendosje, Adriana Matoshi, përmes një postimi prekës në Facebook, ka treguar se i është rikthyer tumori në tru, për të cilin ishte operuar para nëntë vitesh.
Matoshi ka shkruar se para nëntë vitesh kur ishte diagnostikuar me tumor, ka qenë shtatzënë.
Ajo ka shkruar se as atëherë nuk është dorëzuar. Ajo thotë se dashurinë për jetën e kishte më të madhe se frikën nga vdekja.
Postimi i saj u shpërnda gjithë ditën në rrjetet sociale dhe mori mbështetje nga qytetarët e figurat publike. Sigurisht që mbështetja nuk ka munguar as nga i dashuri i saj Keith.
Në asnjë moment ai nuk e lë vetëm, madje para pak minutash postoi edhe një fotografi mbi të cilën shkroi: “Nuk nevojiten fjalë…”./Gazeta Enigma/
