Instituti Kombëtar i Shëndetësisë Publike të Kosovës edhe një herë ka bërë thirrje për të gjithë qytetarët e Kosovës që bartin maskat dhe të vaksinohen kur kemi parasysh se Omiccron po vazhdon të përhapet me intensitet të lartë, shkruan Gazeta ‘Enigma’.
“Omicron (B.1.1.529) po vazhdon të përhapet me intensitet të lartë dhe është varianti dominues në qarkullim. Virusi është kudo andaj mos neglizhoni rekomandimet themelore: maska, distanca, higjiena” kanë shkruar nga IKShPK-ja.
Njëherit nga ky institut kanë bërë thirrje që të qëndrojm sa më shumë nëpër shtëpi, dhe të shmangim udhëtimet në këto kohë.
“Shamngni udhtimet, qëndroni në shtëpi dhe ajrosni ambientet e mbyllura.IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështërsi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”.
Tutje nga ky institut kanë thënë se “situata epidemiologjike mund të përkeqësohet edhe më shumë ditët në vazhdim, andaj IKSHPK apelon tek të gjithë qytetarët që të respektohen masat e Qeverisë së Republikës së Kosovës. Na ndihmoni që të ju ndihmojmë!”.
“Për shkak të rrezikshmërisë së lartë të përhapjes së COVID-19, bëjmë thirrje në veçanti për kujdes dhe mosgrumbullim. Ndërsa, rekomandojmë institucionet përgjegjëse të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave për parandalimin dhe luftimin e pandemisë”, kanë deklaruar nga IKShPK.
Në mënyrë të veqant është theksuar se zbatimi i masave anti-COVID në këto momente kur jemi në këtë gjendje me një numër të madh me raste pozitive do të na ndihmojnë që të mbrohemi nga infektimet me COVID-19.
“Është i domosdoshëm kujdesi i shtuar i të gjithëve që në mënyrë strikte të respektohet distanca fizike, të përdoren maskat, të bëhet dezinfektimi dhe ajrosja e hapësirave, duke pamundësuar dhe shmangur përhapjen eventuale të mëtejme të infeksionit të COVID-19”.
Nga IKShPK kanë njoftuar edhe për rrezikun nga Omicron, varianti ky i cili është shumë ngjitës krahasuar me variantet tjera.
“Omicron është tejet ngjitës, andaj mbani maskat në çdo vend, mbani distancën mbi dy metra edhe në mjedise të hapura edhe po qe se të gjithë bartin maska!Duke qenë se vaksinimi është mënyra më e mirë dhe më e sigurt për të parandaluar COVID-19, veçanërisht format e rënda të sëmundjes dhe vdekjet, ne vazhdojmë të apelojmë fuqishëm për vaksinim sa më gjithpërfshirës, sa më të gjerë dhe sa më të shpejtë të popullatës nga mosha 12 vjeçare”.
Vazhdon apeilimi edhe sot për vaksinimin e qytetarëve dhe të mbrohemi nga infetimi me COVID-19.
“Vaksinat mund të merren çdo ditë në të gjitha institucionet e kujdesit parësor në komunën tuaj.Gjithashtu apelojmë për vaksinimin me dozën pērforcuese dhe dozën e tretë që mund ta marrin të gjithë qytetarët e moshës mbi 18 vjeçar”.
Prandaj, “vaksinohuni dhe ftoni të tjerët të vaksinohen!Duke u vaksinuar vetë, ju mbroni veten, mbroni edhe njerëzit për rreth jush, në rend të parë familjen. Të gjitha të dhënat nga vendet tjera dëshmojnë qartë dhe pa asnjë dyshim, se ky variant mund të shkaktojë sëmundje të rëndë dhe humbje jete, sidomos mes personave të pavaksinuar dhe, deri diku, edhe mes atyre që nuk kanë marrë dozën përforcuese”.
Andaj, Vaksinimi mbetet arma më e fortë për të parandaluar hospitalizimin dhe rastet e rënda klinike.Të gjithë pa dallim dhe domosdoshmërisht duhet të vazhdojmë të zbatojmë masat parandaluese kundër COVID-19 dhe rekomandimet e profesionistëve shëndetësor!
Prandaj, në vazhdimësi vlen për secilin person dhe më tej vazhdojmë të bëjmë thirrje:Mbulo gojën dhe hundën me maskë!Mbaj higjienën!Respekto distancën!VAKSINOHU!/Gazeta Enigma/
