Kryeministri i Mbretërisë së Bashkuar, Boris Johnson, i ka dhënë homologut ukrainas, Volodymyr Zelensky, çmimin e udhëheqjes “Sir Winston Churchill”, duke bërë krahasime mes dy liderëve në kohë krizash.
Zelensky e pranoi çmimin në një videolidhje gjatë një ceremonie në zyrën e Johnson në Londër të martën, ku morën pjesë anëtarë të familjes Churchill, ambasadori ukrainas Vadym Prystaiko dhe ukrainas që kanë marrë trajnime nga ushtarët britanikë, shkruan Euronews, transmeton Klankosova.tv.
Johnson kujtoi se si Zelenskyy konfirmoi më 24 shkurt se Rusia kishte pushtuar, duke shtuar: “Në atë moment krize supreme, ju u përballët me një provë lidershipi që ishte, në mënyrën e tij, aq e rëndë sa sfida e Churchillit në 1940”.
Zelensky falënderoi Johnson dhe Britaninë e Madhe për mbështetjen e tyre.
Të dy liderët kanë krijuar një marrëdhënie të ngushtë që kur Johnson u bë udhëheqësi i parë i një vendi të G7 që vizitoi Ukrainën pas pushtimit të Rusisë. Në fillim të këtij muaji, Zelensky tha se ishte i pikëlluar kur Johnson u largua nga posti i kreut të Partisë Konservatore pas skandaleve.
Çmimi për udhëheqjen e Churchill u prezantua për herë të parë në vitin 2006. Përfituesit e kaluar përfshijnë Princin Charles, ish-kryeministrat britanikë Margaret Thatcher dhe John Major dhe ish-sekretaren e shtetit të SHBA, Madeleine Albright.
