Sot (e diele) ka filluar raundi i dytë i zgjedhjeve lokale, të cilat do t’i përcaktojnë kryetarët e ri në 21 komuna të Kosovës, shkruan Gazeta Enigma.
Fushata zgjedhore për rundin e dytë ishte vetëm një javë.
Ndërsa, të drejtë vote në këtë raund të dytë kanë 1 milion e 260 mijë e 571 qytetarë, këta votues të drejtën e tyre mund ta ushtrojnë në 575 qendra të votimit me gjithsej 1,638 mijë vendvotime, njofton Klankosova.tv.
Sipas vendimit të KQZ-së, numri i fletëvotimeve që janë shtypur për këtë raund është 1 milion e 136 mijë e 150 fletëvotime. Edhe për këto zgjedhje, janë shtypur më pak fletëvotime, 10 përqind apo rreth 125 mijë fletëvotime me pak se numri i përgjithshëm i votuesve të këtij raundi
Komunat dhe kandidatët që do të garojnë në balotazh:
Në Komunën e Drenasit garojnë në balotazh mes Ramiz Lladrovcit të PDK-së me 45.50 për qind të votave dhe Driton Ajazit nga Demokratët për Drenasin me 30.50 për qind të votave.
Gjilani do të ketë balotazh ndërmjet Lutfi Hazirit nga LDK-ja që mori 43.51 për qind të votave, dhe Alban Hysenit nga LVV-ja që mori 44.71 për qind të votave.
Komuna e Gjakovës do të ketë balotazh ndërmjet Ardian Gjinit të AAK-së me 45.76 për qind të votave dhe Mimoza Kusari-Lilës së LVV-së me 37.20 për qind të votave.
Komuna e Kaçanikut do të ketë balotazh mes Besim Ilazit nga PDK-ja me 44.67 për qind të votave dhe Jeton Rakës nga LVV-ja me 33.36 për qind të votave.
Dragashi në balotazh do ta ketë Bexhet Xheladinin nga LDK-ja që mori 35.69 për qind të votave dhe Shaban Shabanin nga PDK-ja që mblodhi 32.56 për qind tëvotave.
Burim Berisha i LDK-së me 49.72 për qind të votavedhe Enver Bajçinca nga LVV-ja me 25.58 për qind të votave, do të jenë në balotazh për Fushë Kosovën.
Në Istog në balotazh do të jenë Ilir Ferati i LDK-së me 41.09 për qind të votave të fituara dhe Bekë Berisha nga AAK-ja me 24.49 për qind të votave.
Balotazhi në komunën e Obiliqit zhvillohet ndërmjet Xhafer Gashit nga Iniciativa Qytetare për Obiliqin me 48.12 për qind të votave dhe Halil Thaçit të LVV-së me 20.19 për qind të votave.
Në komunën e Klinës në balotazh janë Zenun Elezaj nga AAK-ja me 43.33 për qind të votave dhe Esat Raci nga PDK-ja me 27.42 për qind të votave.
Në Kamenicë në balotazh janë Qëndron Kastrati nga PSD-ja me 32.52 për qind të votave dhe Kadri Rahimaj nga LVV-ja me 31.01 për qind të votave.
Në balotazh në Rahovec do të garojnë Smajl Latifi i AAK-së me 47.18 për qind të votave dhe Visar Korenica i LVV-së me 24.84 për qind të votave.
Balotazhi në Komunën e Podujevës zhvillohet ndërmjet Ekrem Hysenit të LDK-së me 44.20 për qind të votave dhe Shpejtim Bulliqit të LVV-së me 44.16 për qind të votave.
Në Prishtin në balotazh janë Arben Vitia i LVV-së me 45.54 për qind të votave dhe Përparim Ramës së LDK-së me 29.17 për qind të votave.
Në Viti në balotazh janë Sokol Haliti i LDK-së me 41.30 për qind të votave dhe Arsim Ademi i LVV-së me 34.50 për qind të votave.
Në Prizren në balotazh takohen Mytaher Haskuka i LVV-së me 40.41 për qind të votave dhe Shaqir Totaj nga PDK-ja me 31.36 për qind të votave.
Komuna e Junikut në balotazh ka Agron Kuçin nga AAK-ja me 45.19 për qind të votave dhe Ruzhdi Shehun e LDK-së me 42.01 për qind të votave.
Në Komunën e Malishevës në balotazh janë Ekrem Kastrati nga Nisma Socialdemokrate me 34.08 për qind të votave dhe Isni Kilaj të PDK-së me 28.82 për qind të votave.
Në Vushtrri në balotazh kanë shkuar Ferit Idrizi i PDK-së me 10 247 vota ose 34.81 për qind, dhe Xhafer Tahiri i LDK-së me 9 956 vota ose 33.82 për qind.
Në Shtime në balotazh garojnë Qemajl Aliu i VV-së me 45.29 për qind të votave dhe Naim Ismajli i PDK-së me 44.23 për qind të votave.
Balotazhi në Kllokot zhvillohet mes Vladan Bogdanoviqit nga Lista Serbe me 41.01 për qind të votave dhe Strahinja Spasiq nga GI Srpska Narodna Sloga me 36.33 për qind të votave.
Ndërsa në Komunën e Mamushës janë balotazh Abdulhadi Krasniqi nga Kosova Demokratik Turk Partisi me 48.92 për qind të votave dhe Arif Butuqi nga Kosova Adalet Turk Partisi me 36.95 për qind të votave.
Të drejtë vote kësaj radhe kanë 1,260,571 qytetarë, dhe procesi i votimit do të mbahet në 66% të vendvotimeve apo në 1,638 nga 2,477 sosh.
Edhe raundi i dytë i zgjedhjeve që zhvillohet të dielën, monitorohet nga vëzhgues të Bashkimit Evropian.
LEXO EDHE: “Lulëzojnë” koalicionet në prag të balotazhit, cilat janë matematikat e para të partive?
E diela, “Dita D” për 21 komuna, cilat ishin premtimet kryesore të kandidatëve për kryetar?
Ndryshe, të gjitha qendrat e votimeve janë hapur të dielën në orën 07:00 dhe do të mbyllen në orën 19:00.
