Këto janë 16 skuadrat që kanë siguruar plasmanin në 1/8 e finales së Kupës së Kosovës

Këto janë 16 skuadrat që kanë siguruar plasmanin në 1/8 e finales së Kupës së Kosovës

Të enjten janë zhvilluar pesë ndeshjet e tjera të 1/16 së finales në Kupën e Kosovës në futboll.



Drita ka hasur vështirësi në përballje me skuadrën e parafundit në renditjen e Grupit A në Ligën e Parë, Drenasin, duke e eliminuar vetëm pas vazhdimeve. Ndeshja në kohën e rregullt u mbyll 0:0, edhe pse skuadra nga Drenasi luajti me një lojtar më pak që nga minuta e 77-të. Megjithatë, në vazhdime përcaktues ishte Hamdi Namani, i cili realizoi golin e fitores dhe të kualifikimit tutje për Dritën.

E në 1/8 e finales janë kualifikuar edhe Dukagjini, që e mposhti Lirinë si mysafir, Arbëria që u tregua bindëse në duel me Vitinë dhe Ferizaj, që pas vazhdimeve fitoi bindshëm ndaj Flamurtarit.

Nëntë skuadra nga Superliga e Kosovës janë kualifikuar, derisa vetëm Feronikeli nuk ia doli një gjëje të tillë.

Ndërkohë nga Liga e Parë në raundin tjetër janë kualifikuar Ramiz Sadiku, Fushë Kosova, 2 Korriku, Onix, Arbëria e Ferizaj, derisa nga Liga e Dytë është kualifikuar vetëm KEK-u. 

Rezultatet komplete të 1/16 së finales në Kupën e Kosovës:

Ramiz Sadiku – Vushtrria 1:1, pas vazhdimeve 2:1
Feronikeli – Fushë Kosova 0:0 në vazhdime 0:0, pas penalltive 1:4
A&N – Gjilani 0:1
Drenica – Vllaznia 3:1
Besa – Prishtina 0:4
Malisheva – Istogu 1:0
Ulpiana – Vëllaznimi 3:0
Rahoveci – Ballkani 1:3
Trepça’89 – 2 Korriku 2:2, pas vazhdimeve 2:2, pas penalltive 3:4
Llapi – Kika 2:1
Prizreni – Onix 1:5
Drita – Drenasi 0:0, pas vazhdimeve 1:0
Liria – Dukagjini 2:4
Arbëria – Vitia 4:0
KEK-u – Trepça 1:0
Flamurtari – Ferizaj 0:0, pas vazhdimeve 0:3. /Gazeta “Enigma”/

Related Articles