Komisioni Qendror i Zgjedhjeve ka njoftuar se më 29 gusht ka përfunduar afati për regjistrimin e votuesve jashtë Kosovës për votim me postë në zgjedhjet lokale të 12 tetorit, raporton Gazeta “Enigma”.
Nga 23 korriku dhe deri më 29 gusht, sipas KQZ-së janë pranuar 56 mijë e 778 aplikime për regjistrim për votim me postë, prej të cilave janë aprovuar 46 mijë e 15, ndërkaq janë refuzuar 10 mijë 94.
“Të dhënat përfundimtare do të publikohen në javën e parë të muajit shtator, me rastin e certifikimit të Listës së Votuesve për Zgjedhjet Lokale 2025”, thuhet tutje në njoftim.
Detajet tjera i gjeni në: https://kqz-ks.org/te-dhena-nga-perfundimi-i-regjistrimit-te-votuesve-jashte-kosoves-per-votim-me-poste-ne-zgjedhjet-lokale-2025/
