Kryeministri i Kosovës Albin Kurti, ka falënderuar Sekretarin amerikan të Shtetit, Antony Blinken, për ndihmën që Shtetet e Bashkuara të Amerikës i bënë Kosovës duke i dhuruar 35 mijë vaksina.
Kurti përmes një postimi në llogarinë e tij në Twitter tha se ky është një shembull i aleancës mes dy vendeve.
“Faleminderit @SecBlinken për mbështetjen dhe solidaritetin tuaj. Një shembull tjetër i aleancës sonë të fortë dhe të qëndrueshme”, ka shkruar Kurti në llogarinë e tij në Twitter.
Kujtojmë se sot Kosova ka pranuar kontingjentin e parë prej 35 mijë vaksinave nga 500 mijë sa janë ndarë në total nga Shtetet e Bashkuara të Amerikës për Kosovën.
