Qeveria e Kosovës ka miratuar lehtësimin e masave anti-COVID. Me këtë vendim klubeve të natës do t’u lejohet muzika deri në orën 01:00, raporton Gazeta Enigma.
Tash do të lejohet mbajtja e dasmave, fejesave, ahengjeve familjare e mbrëmjeve të maturës deri në orën 01:00. Organizimi i tyre duhet të bëhet vetëm me kushtin që të shfrytëzohet vetëm 50 për qind e kapacitetit, e jo me më shumë se 300 persona.
Ndërkaq shërbimeve të gastronomisë do t’u lejohet puna deri në orën 23 në ditët e punës, përveç të premtes e së shtunës kur lejohet deri në orën 00:00.
Ministri i Shëndetësisë, Arben Vitia ka njoftuar se sipas të dhënave të IKShKP-së, në Kosovë ka situatë epidemiologjike të qëndrueshme.
“Nga të dhënat e fundit nga IKShKP-ja gjendja epidemiologjike paraqitet e qëndrueshme dhe propozojmë lehtësim gradual të masave që synojnë kontrollin e përhapjes së infeksionit më COVID-19.
“Masat e përcaktuara më këtë propozim vendim shërbejmë që situata epidemiologjike të mbahen në kontroll. Vlerësimi i marrjes së masave kufizuese do të bëhet në mënyrë të vazhdueshme”./Gazeta Enigma/
