Oleksandr Merezhko, kryetari i komisionit parlamentar të Ukrainës për çështjet e jashtme, tha këtë mëngjes se mendon që aspekti më mbresëlënës i samitit ishte trajtimi i ngrohtë i Trumpit ndaj Putinit.
“Në mendjen time nuk mund të mos mendoj për këtë skenë të neveritshme në Zyrën Ovale – takimin me Zelenskyn”, thotë ai, duke iu referuar përplasjes së Trump në shkurt me presidentin ukrainas në Shtëpinë e Bardhë, shkruan BBC.
“Presidenti ukrainas u trajtua shumë agresivisht. Dhe mbrëmë pamë armikun e Shteteve të Bashkuara, Putinin, të trajtohej ngrohtësisht, i pritur si një personalitet i madh Nga këtu në Kiev, respekti i Trump ndaj Putinit duket si një poshtërim për SHBA-në”, thotë Merezhko.
Duke shtuar se kjo është gjithashtu një goditje për Ukrainën.
“Shtetet e Bashkuara janë aleati ynë. Putini është një armik, një diktator”, thotë deputeti.
Merezhko thotë se është gjithashtu i habitur që vetëm dy muaj më parë një qytetar amerikan u vra nga një sulm rus në Kiev .
“Amerika ka qenë gjithmonë krenare që presidenti mbron qytetarët e saj. Tani ja ku është presidenti, duke shtrënguar duart me dikë përgjegjës për vrasjen e një qytetari amerikan”, përfundoi ai.
