Pas disa javësh pritje, Lionel Messi më në fund nënshkroi me Inter Miami CF dhe u zbulua para tifozëve në shtëpinë e tij të re.
Shtatë herë fituesi i Topit të Artë zbuloi muajin e kaluar se do të luante në SHBA për klubin e David Beckham, por marrëveshja nuk u finalizua për javë të tëra. Inter Miami, i cili aktualisht ndodhet në fund të tabelës së Konferencës Lindore, njoftoi zyrtarisht nënshkrimin e Messit të shtunën dhe i dha një pritje madhështore kampionit të Kupës së Botës 2022.
Nuk pati asnjë parashikim apo proklamim monumental nga Lionel Messi, i cili gjatë prezantimit foli për rreth dy minuta në spanjisht.
“Unë me të vërtetë dua të filloj të stërvitem dhe të garoj”, tha Messi.
“Unë me të vërtetë dua të fitoj dhe që ky klub të vazhdojë të rritet. Personalisht, besoj se bashkëlojtarët e mi do të japin gjithçka për të ndërtuar këtë projekt dhe jam shumë i lumtur që kam zgjedhur këtë qytet,” tha ai.
