Një person ka vdekur, pas lëndimeve që ka marrë në një aksident trafiku, që ka ndodhur të premten në mesditë në fshatin Gadime të Lipjanit.
Zëdhënësja e Policisë së Kosovës për rajonin e Prishtinës, Flora Ahmeti, ka njoftuar se nga ky aksident kishin mbetur të lënduar tre persona, ndërsa njëri prej tyre tashmë ka vdekur në QKUK.
“Sot rreth orës 15:00 në fshatin Gadime të Lipjanit, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime trupore dhe të njëjtit janë dërguar për trajtimin e nevojshëm mjekësor. Rreth orës 17:15, jemi njoftuar nga QKUK, se njëri nga personat e lënduar në aksident nuk ka arritë të përballoj plagët dhe i njëjti ka ndërruar jetë”, tha ajo për Gazetën Enigma.
LEXO EDHE:Lëndohen tre persona, aksident trafiku në Gadime të Lipjanit
