Shkolla fillore “Këlmend Rizvanolli”, në Gjakovë nga nesër do t’i hapë dyert për nxënësit, përkundër se SBASHK e as Këshilli Grevist, nuk kanë dhënë sinjale për përfundimin e grevës.
Këshilli i Mësuesve i kësaj shkolle ka njoftuar se ka marrë vendim që nga nesër, e mërkurë, të fillojë mësimi i rregullt.
Krahas njoftimit, është publikuar edhe një orar për nxënësit.
Njoftimi:
Përshëndetje të nderuar, me qëllimin e vetëm dhe për të mirën e nxënësve, Këshilli i Mësueseve të Sh.F.”Këlmend Rizvanolli”, ka vendosur që ditën e mërkurë, me datë 14.9.2022 të filloj mësimin e rregullt. Mësimi do të zhvillohet me këtë orar:
Klasa përgatitore – Ora:10:00
Klasa e I-rë -Ora:13:00
Klasa e II-të, III/2 dhe III/ 4 -Ora: 12:30
Klasa III/1 dhe III/3, IV dhe V – Ora: 8:00
Shënim: Për informata më të hollësishme, do të njoftoheni nga mësueset e klasave.
Këshilli Grevist dhe Qeveria e Kosovës kanë dështuar edhe sot për ta arritur një marrëveshje që do t’i jepte fund grevës që ka hyrë në javën e tretë. Kërkesë e punëtorëve të sektorit publik është shtesa prej 100 eurove mbi pagë deri në miratimin e Ligjit për Paga.
