Presidentja e Kosovës, Vjosa Osmani, e ka dekoruar me medaljen Presidenciale Ushtarake kontigjentin ukrainas të KFOR-it.
Kjo për shkak të kontributin të dhënë për dy dekada për sigurinë e qytetarëve të Kosovës.
“Medalja e sotme është mirënjohje ndaj 1400 grave e burrave të Forcave të Armatosura të Ukrainës, të cilët shërbyen në Kosovë që nga viti 1999 në kuadër të forcave të NATO-s, por edhe vlerësim ndaj profesionalizmit dhe trimërisë të cilat kjo ushtri po i manifeston në këto kohë të errëta për popullin ukrainas dhe për gjithë kontinentin tonë”.
Osmani tha se në Ukrainë po mbrohet në mënyrë dinjitoze e tashmja dhe e ardhmja e gjithë Evropës.
“Në kohën kur në Ukrainë po mbrohet në mënyrë dinjitoze e tashmja dhe e ardhmja e gjithë Evropës, populli i Kosovës qëndron me popullin dhe ushtarët e Ukrainës drejt fitores ndaj agresionit rus”. /Gazeta Enigma/.
