Presidentja e vendit, Vjosa Osmani ka folur sot rreth sulmeve të 29 majit ndaj ushtarëve të NATO-s në veri të vendit, raporton Gazeta Enigma.
E para e shtetit tha se siç është dëshmuar nëpër video dhe nga hetimet e kryera nga agjencitë e zbatimit të ligjit, 93 ushtarë u plagosën, ku disa me lëndime të rënda, përmes sulmeve nga grupet e krimit të organizuar, që sipas saj, është bërë me urdhra të qarta politike nga regjimi i presidentit serb, Aleksandar Vuçiq dhe krerët e bandës së tij.
“Autorët, të cilët ende enden të lirë nëpër Serbi dhe të mbrojtur nga regjimi i Vuçiqit, duhet të mbajnë përgjegjësi. Mosndëshkimi vetëm i ka inkurajuar ata të përsërisin sulmet, siç tregohet qartë përmes aktit të agresionit të 24 shtatorit nga Serbia”, tha Osmani.
Më tej, e para e shtetit dhe sulmi i 29 shtatorit ishte sulm ndaj NATO-s, dhe sipas saj, mosndëshkimi duhet të marrë fund.
“Të gjithë u detyrohemi ushtarëve të rinj që humbën gjymtyrët dhe jeta e të cilëve u ndryshua përgjithmonë, sepse ata vendosën jetën e tyre në vijën e paqes dhe sigurisë së të gjithë qytetarëve”, shkroi Osmani.
