Presidentja e Kosovës, Vjosa Osmani pritet t’a takojë homologun e saj malazez, Milo Gjukanoviq, në Mal të Zi.
Në këtë takim zyrtar, Osmani do të pritet me nderime të larta shtetërore.
Pas takimeve me delegacionet, presidenti Gjukanoviq dhe presidentja Osmani, do të do të flasin për media.
Në të njëjtën ditë, Presidenti i Malit të Zi dhe Presidentja e Republikës së Kosovës do të marrin pjesë në panelin presidencial “Zhvillimi i ngjarjeve në Ballkanin Perëndimor: Sfidat për paqen dhe stabilitetin në dritën e krizës rajonale dhe globale”, organizuar nga Lëvizja Evropiane në Mal të Zi.
“Në vazhdim të vizitës, presidenti Gjukanoviq do të shtrojë një darkë zyrtare në Podgoricë për nder të mysafirës, ku do të marrin pjesë liderët e partive politike shqiptare në Mal të Zi”, njofton Zyra e Presidencës së Malit të Zi.
Në ditën e dytë të vizitës, Presidentja e Republikës së Kosovës do të vizitojë komunën e Tuzit dhe Ulqinit.
