Shoqata e Policëve Shqiptarë në SHBA ka dhuruar 60 mijë dollarë, për familjen e policit hero, Afrim Bunjaku.
Çekun me këto te holla e ka pranuar drejtori i Policisë së Kosovës, Gazmend Hoxha, nga themeluesi i Shoqatës Amerikano-Shqiptare e Zbatimit te Ligjit ne SHBA, Elton Shametaj.
Ata në mjediset e Konsullatës së Republikës së Kosovës në New York dorëzuan çekun e kontributit të tyre në shumë 60 mijë dollarë.
E tërë fushata e mbledhjes së mjeteve është realizuar përmes GoFundMe.
American Albanian Law Enforcement Association (AALEA), Launches Successful GoFundMe Campaign. Thanks, Supporters, for Their GenerosityPosted byAmerican Albanian Law Enforcement Associationon Thursday, October 19, 2023
Rreshteri Afrim Bunjaku, ishte pjesëtar i Policisë së Kosovës nga viti 2001, u vra mëngjesin e 24 shtatorit në Banjskë të Zveçanit derisa ishte në detyrë.
Sulmuesit e armatosur, rreth 30 persona, ishin vendosur në manastirin e Banjskës, nga ku shkëmbyen të shtëna me organet e rendit.
Presidentja e Kosovës, Vjosa Osmani Sadriu, i ka dhënë rreshterit Afrim Bunjaku urdhrin më të lartë të Kosovës, “Hero i Kosovës”.
