Sot (e diele) Premierliga do ta mbyll edicionin 2020/21, edicion që u përshkrua me shumë rivalitet e me ndeshje nga më interesantet, raporton Gazeta Enigma.
Tashmë kampioni dihet, është Manchester City, kurse Manchester United iu bashkua në Champions League për edicionin e ardhshëm.
Chelsea, Liverpool dhe Leicester do tq garojnë për dy vendet e mbetura për Champions League. Momentalisht Chelsea dhe Liverpool gjenden në pozitat 3 dhe 4, kurse Leicesteri duhet të shpresojë në gabimin e njërës nga to sonte.
Të zgjedhurit e Brendan Rodgers përballen në shtëpi me Tottenhamin që do të synojë Evropa Ligën në xhiron e fundit.
Tashmë disa javë janë bërë të ditura edhe ekipet që do të bien nga liga. Sheffield United, West Bromwich Albion dhe Fulham do të garojnë në Championship nga sezoni i ardhshëm.
Të 10-të ndeshjet e xhiros së fundit në Premierligë nisin sot nga ora 17:00. /Gazeta Enigma/
