Presidentja e Republikës së Kosovës Vjosa Osmani, tha se Kuvendi duhet të konstituohet dhe Qeveria të zgjidhet sa më shpejt.
Osmani theksoi se çdo vonesë është në dëm të vendit dhe të qytetarëve, raporton Gazeta Enigma.
“Që Kuvendi të konstituohet urgjentisht, që qeveria të zgjidhet po ashtu urgjentisht, çdo ditë e humbur është ditë e humbur për Kosovën, për popullin e saj, për perspektivën tonë euroatlantike, kështu që shpresoj që të gjendet një zgjidhje në përputhje me Kushtetutën”, tha presidentja Osmani.
E para e vendit këto deklarata i bëri pas homazheve te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë./GazetaEnigma/
